Көрнекті ғалым және заңгер, профессор Мария Георгиевна Пронинаны еске алуға арналған Жетінші өркениеттік оқулардың аясында Беларусь Республикасы Президентінің жанындағы басқару Академиясы Беларусь нотариаттық палатасымен бірлесіп ұйымдастырған «ТМД елдеріндегі азаматтық құқықтық қатынастарға қатысушылардың құқықтары мен заңды мүдделерін соттан тыс қорғау» тақырыбында конференция өтті.
Профессор Мария Георгиевна Пронина – Беларусь елінің ең танымал ғалымдарының бірі және Беларусь азаматтық және экономикалық құқық ғылыми мектебінің негізін қалаушы ретінде танылған. Жыл сайын заң қауымдастығы оны еске алу мақсатында өркениетті оқулар өткізеді.
Биылғы жылы оның жұмысына оқытушылар, ғылыми мекемелердің қызметкерлері, мемлекеттік органдар мен ұйымдардың өкілдері, судьялар, корпоративтік заңгерлер, адвокаттар, аспиранттар қатысты. Атап айтқанда, ТМД Экономикалық Сотының Төрағасы Андрей Плотников, С. С. Алексеев атындағы жеке құқықты зерттеу орталығының Орал филиалының басшысы, РФ Президенті жанындағы азаматтық заңнаманы кодификациялау және жетілдіру жөніндегі Кеңестің мүшесі, РФ еңбек сіңірген заңгері, з. ғ. д., профессор Бронислав Гонгало, БР Жоғарғы Соты Төрағасының орынбасары Юрий Кобец, БР Конституциялық Сотының судьясы, з. ғ. к., доцент Сергей Чигринов іс-шараға қатысты.
Қазақстан нотариатының атынан Жетінші өркениеттік оқылымда Республикалық нотариаттық палатаның төрайымы Әсел Жанәбілова қатысты.
Төрайым конференция барысында азаматтық құқықтық қатынастарға қатысушылардың құқықтары мен заңды мүдделерін соттан тыс қорғау тәсілі ретінде атқарушылық жазба мәселелеріне қатысты сөз сөйледі.
