Республикалық нотариаттық палатаның төрағасы Әсел Жанәбілова 2023 жылғы 7 сәуірде онлайн өткен Қазақстан Республикасы Жоғарғы Сотының дөңгелек үстелінде баяндама жасады. «Банктік қарыз шарттары негізінде берешекті өндіріп алу және микрокредиттер беру туралы қаржы ұйымдарының талаптары бойынша атқарушылық жазба жасаудың проблемалық мәселелері» тақырыбында баяндама жасады.
Дөңгелек үстел барысында Жоғарғы сот, Астана, Алматы және Шымкент қалалық соттарының судьялары, кәсіби медиаторлар, сондай-ақ Қаржы нарығын реттеу және дамыту агенттігі, «Отбасы банк» АҚ, «First Heartland Jusan Bank» АҚ, Қазақстанның микроқаржы ұйымдары қауымдастығы, «Актив Коллектшн «коллекторлық агенттігі» ЖШС өкілдері сөз сөйледі.
Іс-шараға қатысушылар қаржы ұйымдарының талаптары бойынша дауларды сотқа дейінгі реттеу тәртібінің мәселелері мен перспективаларын талқылады.
